Transcription
1
Monsieur, par ce courrier qui s'en va a la court, je vous ay bien voulu
2
dire que jay poursuivy de faire la tresve avec monsieur de Montbrun et que
3
lesperance que javoys quelle dureroyt jusques au premier de may m’avoyt
4
faict recevoir des conditions que je trouveroys trop dure si ce n'estoit
5
que pour ce moys ou le prochain, qui est cause que selon la requeste que
6
je vous en ay cy devant faicte, je vous supplie me faire entendre en quoy
7
vous en estes avec luy et ce que vous esperez de la negociation de
8
monsieur de Maugiron. Car quant à ceulx de Languedoc, ilz n'ont pas
9
encore (que je saiche) resolu la conferance en laquelle je debvoys faire
10
trouver quelquun des miens pour traicter de cest estat, comme j'envoyeray
11
au lieu où lesdits sieurs de Maugiron et Montbrun s'aboucheront, si vous
12
le trouvez bon et que le mescriviez, affin quil ne tienne pas à moy que
13
nous ne soyons comprins en la surceance ou paix suyvant la volonté
14
du roy, de qui je ne vous puis dire, sinon que lon parle quil s'aproche
15
de Lyon et quil faict achemyner par deça quelques forces, mays lon
16
parle diversement qui les commendera. De quoy, m'asseurant que vous debvez
17
avoyr eu des advis meilleurs que nous, je me recommanderay bien affectionement
18
et de bon cueur à votre bonne grace, en priant Dieu de vous donner,
19
monsieur, en parfaicte santé, heureuse et longue vye. D'Avignon le
20
XIIIIe jour de fevrier 1574.
21
[autographe]Monsieur je vous prie nesparnier homme exprés pour me faire entendre
22
ce que monsieur de Maugiron faira avec Montbrun et de St Roman
23
et silz s'abocqueront ensemble, quel jour et en quel lieu,
24
car je y envoyeray homme exprés pour trecter avec eulx.
25
Votre plus affectioné à vous aymer, honorer
26
et servir come frère G. card[ina]l D'armaignac.